Category: Updates

Town hall meeting sa Binidayan, Lanao del Sur

Naging makabuluhan ang isinagawang town hall meeting info drive sa Binidayan, Lanao del Sur.
Dumalo sa nasabing aktibidad ang iba’t ibang sector gaya ng mga Ustadz, manggagawa, kabataan, environmentalists, mga kinatawan ng mga organisasyon sa nasabing lugar, at marami pang iba pa.


Mahalagang tinalakay ang kanilang mga personal na karanasan sa BARMM Government sa nakalipas na tatlong taon, ang kanilang mga inaasahan sa extended termino ng pamahalaang Bangsamoro at ang mga nais nilang maisabatas sa tulong ng mga kasalukuyang miyembro ng Bangsamoro Transition Authority.
Nabigyang-diin ang paghahanap ng solusyon sa patuloy na pagtaas ng unemployment rate at hiniling na may sapat na mga tuntunin sa oportunidad sa mga trabaho o transparency ng hiring process sa mga ahensya ng BARMM.

Naging oportunidad naman ito para maiparating ang kanilang ninanais na magkaroon ng sapat na suporta sa mga madrasah at sa mga pasilidad nito. Gayunpaman, nais nilang makamtan ang mga naipangako ng mga kinauungkulan sa BARMM.

Nagpapasalamat ang mga mamayan ng Binidayan sa inisiyatiba ng Opisina ni MP Atty. Rasol Y. Mitmug Jr. upang alamin ang mga suliranin at iba pang isyu ng mga nasa laylayan.

Town Hall Meeting sa Gambai, Lumba-Bayabao, Lanao del Sur

Pormal na isinagawa ang town hall meeting para sa information drive sa Barangay Gambai, Lumba-Bayabao, Lanao del Sur, kasama ang mga mamamayan sa nasabing barangay na kinabibilangan ng mga magsasaka, trike drivers, hardinero, daycare teachers, CSOs, barangay tanod at BLGU na pinangungunahan ni Kapitan Fatima Angintaopan.


Kabilang sa mga napag-usapan ay ang pagkakaroon ng sapat na mga kasangkapan o equipment para sa mgamagsasaka at mambubukid at mabigyan nang sapat na kaalaman sa livestock production sa pamamagitan ng mga trainings patungkol dito.

Lahat ng mga kahilingan at isyus ng mga dumalo ay ginagawan ng report ng opisina para maiparating sa tamang ahensya ng BARMM. Laking pasasalamat naman ng mga mga magsasaka sa gobyerno ng bangsamoro dahil sa binigay nilang supply gaya ng fertilizer at mga seedlings.

Nananawagan ang mga nasabing mamamayan na sana ay ipagpatuloy ng BARMM ang pag-abot ng tulong sa kanilang barangay.

IP month sa South Upi kasama ang Team Ras

Kasabay ng selebrasyon ng buwan ng Indigenous People, nagtungo ang opisina ni MP Rasol Mitmug, Jr. sa Sitio Manga, South Upi, Maguindanao upang magsagawa ng townhall meeting information drive kahapon ika-26 ng Oktubre 2022.
 
 
Dinaluhan ng mahigit 70 participants mula sa Santa Fe, Kibucay, Malibacao, at Timanan ang nasabing aktibidad kung saan naibahagi ng opisina ang mga mahahalagang impormasyon tungkol sa serbisyong handog ng gobyernong Bangsamoro at maging ng Bangsamoro Transition Authority.
 
Ngapadala naman ng representante si Minister Ulama ng Ministry of Indigenous Peoples’ Affairs – BARMM sa katauhan ni Felino Samar, Executive Assistant V, na siya namang nagpaliwanag ng mandato at mga programa ng ministro. Makabuluhan ang pagbabahagi ni Samar dahil ipinaalam nito sa mga dumalo ang mga karapatan nila sa lengguwaheng Teduray.
Isang importanteng usapin naman kaugnay sa mga oportunidad at polisiya para sa mga kababaihan ang tinalakay ni Sahara Ali na kinatawan naman ng Bangsamoro Women Commission – BARMM.
Naging oportunidad naman ito para maiparating ng mga katutubo ang kanilang karanasan bilang mamamayan ng Bangsamoro at maisangguni ang kanilang mga nais na tulong o serbisyo na makuha mula sa iba’t ibang ahensya ng gobyerno.
 
Ayon sa mga participants, mas nadagdagan ang kanilang kaalaman tungkol sa barmm government at nagpapasalamat sila na may ganitong programang nakarating sa kanila. Hangad ng opisina ni Mitmug na maging tulay upang mas maging maginhawa ang bawat IP communities sa rehiyon sa tulong na rin ng ating pamahalaan.
Nagpapasalamat din kami kay Maam Ai Leen ng Women Organization of the Rajah Mamalu Descendants sa pagtulong na maging matagumpay ang aming aktibidad.

Message during Peace and Environmental Camp 2022

MP Mitmug’s message during the launching ceremony of the Peace and Environmental Camp 2022 last October 22, 2022 at Lake Lanao Central College Inc., Convention Hall, Basak Malutlut, Marawi City.
____________
In the face of new normal brought about by the pandemic, the youth have shown resiliency, courage and unity in the midst of a global threat. And this can be exercised through this PEACE AND ENVIRONMENTAL CAMP 2022.
 
 
Youth involvement and engagement in today’s myriad campaigns and advocacies is a sigh of relief, eliminating apprehensions of a passive and oblivious generation, and showing signs of a promising future. As technology becomes more available, the youth have been given a wider platform, various options, and more importantly A VOICE – a voice that is full of fire and passion that will fuel their admirations.
Their contributions to the society are crucial. Hence, giving them opportunities and more space would empower them and maximize their participation in nation-building. These are young minds facing an unexpected reality.
 
We all have to partake and invest in each other’s potentials to overcome these challenges. Global Action means engagement of the youth and all sectors aiming to make a huge and beneficial difference in today’s society.
 
As such, we hope that this activity will be a platform for our participants to share their thoughts and experiences as part of the vision of the Bangsamoro Youth Commission to empower more youth in fully exercising their potentials.

𝐓𝐨𝐰𝐧 𝐡𝐚𝐥𝐥 𝐦𝐞𝐞𝐭𝐢𝐧𝐠𝐬, 𝐢𝐬𝐢𝐧𝐚𝐠𝐚𝐰𝐚 𝐬𝐚 𝐥𝐮𝐧𝐠𝐬𝐨𝐝 𝐧𝐠 𝐂𝐨𝐭𝐚𝐛𝐚𝐭𝐨 𝐚𝐭 𝐌𝐚𝐫𝐚𝐰𝐢

Magkasabay na isinagawa ng opisina ni MP Rasol Y. Mitmug, Jr. ang town hall meetings na naglalayon na magbigay impormasyon sa mga tao tungkol sa mga mahahalaga at basic na kaalaman kaugnay sa Bangsamoro government.

Ginanap ang naturang town hall meetings sa Barangay Bagua II sa Cotabato City at Marawi City noong Setyembre 27, 2022. Naging tagapakinig sa Bagua II ang mga kababaihan, samantala, librarian, health workers, titsers, forester, kabataan, at ilang miyembro ng CSOs naman ang aktibong nakilahok sa aktibidad sa Marawi.

Kabilang sa tinalakay ng mga speakers ay ang mandato ng BTA at ang sistema nito. Ipinakilala rin ang mga bagong opisyales ng Bangsamoro government pati na rin ang mga bagong hirang na members of the parliament. Binigyang diin din sa diskurso ang ilan sa mga pangunahing polisiya ng gobyerno.

Isang importanteng usapin naman kaugnay sa mga oportunidad at polisiya para sa mga kababaihan ang tinalakay ni Sahara Ali na representante ng Bangsamoro Women Commission.


Sa Marawi naman ay naiparating ng mga participants na nais nilang magkaroon ng public libraries kada munisipyo, taunang BARMM job fair, pondo para sa mga madrasah at marami pang iba. Samantala, ilan sa mga naitanong sapagpupulong sa nasabing lugar ay ang youth unemployment, seguridad para sa mga MSU students, illegal boosters, waste disposal, at plano ng BARMM para sa mga IDPs.


Pahayag ni Chief of Staff Amer Hussien Mitmug, “Itong ganitong klaseng pulong-pulong ay sinasagawa namin upang mabigyan ang mga kababayan natin ng sapat na impormasyon patungkol sa BARMM Government para sila ay magiging aktibong members of the community. Bilang aktibong miyembro ng kommunidad, tayo po ay magsisikap na iparating sa mga tamang ahensiya ang mga legitimate at napapanahong isyus para sa ikauunlad ng ating komunidad.”

Hangad ng opisina ni MP Mitmug na mas marami pang barangay ang mapupuntahan ng grupo para sa isinasagawang puspusan na information drive.