Naghandog ng libreng sorbetes at fish ball si MP Rasol Mitmug, Jr. sa mga atleta ng distrito ng Lanao del Sur I,II at Marawi City sa ikalawang araw ng Bangsamoro Autonomous Region in Muslim Mindanao Athletic Association (BARMAA) 2023 noong Huwebes, ika-26 ng Mayo 2023.
Nag-ikot mismo si MP Mitmug sa mga billeting quarters ng mga nasabing distrito kasama si MP Rasul Esmael at ang mga staff nito para batiin at magbigay nang maikling motivational message para sa mga atleta. Saad ni MP Mitmug maliban sa hangarin na manalo sa mga kompetisyon ay mabuti ring maenjoy ng mga atleta ang karanasan sa BARMMAA.
Sinalubong naman nang malakas na hiyawan si Mitmug sa pagdating nito sa mga eskwelahan bilang pasasalamat mula sa mga atleta. Kahit pagod mula sa kanilang mga events ay masayang-masaya ang mga atleta dahil sa malamig na sorbetes at masarap na fishball na bigay ni MP Mitmug. Maliban sa mga atleta, kitang-kita rin sa mga ngiti ng coaches at school district heads ang saya dahil sa pagbisita ni MP Mitmug at pagbibigay importansya sa mga manlalaro ng lalawigan.
Ang mga delegado ng LDS I, II at Marawi City ay naka-billet sa Sero Elementary School, Kimpo Elementary School at RVM College. Ito ang unang pagkakataon na ang Cotabato City ang naghost ng BARMMAA dahil matatandaang kabilang ang siyudad sa Region 12 bago ang plebesito para sa BOL.
Ang mga magwawagi sa BARMMAA ngayong taon ay magrerepresenta sa rehiyon ngayong Hulyo para naman sa Palarong Pambansa. Inaasahang matatapos ang BARMMAA ngayong araw ng Lunes, ika-29 ng Mayo 2023.
More photos to be uploaded in a while…..…
